NORMAS DO TROCO
Á hora de recoller o material haberá un prazo, anterior ao día do troco, para que os membros do Banco do Tempo vaian traendo os obxetos e demais ( libros, música, dvd´s, traballos manuais, roupa, etc.). Todos os obxetos a trocar deberán recollerse dende a semana anterior ao día do troco e como data límite o día anterior ao mesmo. Soamente se fará a excepción con productos que se poidan deteriorar (tipo productos da horta) que se poderán traer o mesmo día do troco (sempre antes da hora de apertura do mesmo); igualmente, neste caso, as etiquetas asociadas aos productos deberán achegarse ao centro cívico coa mesma data límite que para o resto de artículos.
Os precios en horas terán que poñerse no momento de entregar os obxetos e será cada usuario o que se encargará de darlle o valor en horas. Co obxetivo de fomentar a súa propia autonomía, o ideal é que eles mesmos traian os obxetos etiquetados co seu nome e código.
Os membros do Banco do Tempo deben saber o seu código de usuario para facilitar o traballo á hora da venta dos productos.
Os productos serán colocados en distintos “stands” e cando sexan vendidos poñeráselle un sinal de cor para saber que están vendidos.
Ao rematar a actividade de troco cada membro do Banco do Tempo deberá retirar os seus propios obxetos, estos non poderán quedar no centro cívico gardados.